2019-imi ukiup affaani siullermi avataasiorluni tunisassiuutigalugu aalisarnermi pisat
Avataasiorluni nammineq tunisassiuutigalugu 2019-imi aalisarnermi ukiup affaani siullermi pisat matumuuna kisitsisaataasivitsinni takuneqarsinnaalerput. Uani pineqarput aalisariutit namminneq tunisassiorfillit Kalaallit Nunaata imartaani nunallu allat imartaani aalisakkat qaleruallillu pisaat. Aammattaaq kisitsisaataasivimmi nunat allat aalisariutaasa Kalaallit Nunaata imartaani ukiup affaani siullermi pisaat takuneqarsinnaanngorput.
Maluginiaqquneqarpoq avataasiorluni aalisarnermi pisatut pineqartut tassaammata nammineq aalisariummi tunisassiat, ima paasillugu, kinguppaat, qalerallit saarulliillu avataasiortunit aalisakkerivinnut tunisat kisitsisini ilaanngillat taakku tunisinermi naatsorsuutinut ilaareeramik.
Ukiup affaani siullermi pisat 2016-imiit 2019-imut suussutsinut assigiinngitsunut agguarlugit
Najoqqutaq: Naatsorsueqqissaartarfik – takuuk kisitsisaataasivik http://bank.stat.gl/FIN008
Kisitsisaataasivik:
Kisitsisaataasivimmi avataasiorluni Kalaallit Nunaata eqqaani imartaanilu allani aalisarnermi pisat 2008-miit 2019-imut kisitsisaateqarfimmi takuneqarsinnaapput.
Allanik immikkut paasisaqarusukkuit allaffimmi pisortaq Lars Geraae oqarasuaat toqqaanartoq 34 57 87 atorlugu attavigineqarsinnaavoq.